Contoh Pantun Pituah Urang Minangkabau

Pantun Pituah Urang Minangkabau

Buang siriah buang bidak,
buang puluik buang tingkalang,
kato nan bana dipatidak
sandi iman nan nyato kurang.

Banyak gunonyo tujuan Shalat,
untuak malarang keji jo mungka,
iduik salamaik dunia akhirat
badan sehat pikiran bana.

Didalam nan duo kalarasan,
adaik manjadi darah dagiang,
syarak nan lazim kaimanan,
adaik nan mandindiang.

Gantang dibodi caniago,
cupak dikoto rang piliang,
dunia alah kiamaik tibo,
jalan luruih labuah basimpang.

Indak dapek sarimpang padi,
batuan dibalah kaparaku,
ndak dapek bakandak hati,
kandak ALLAH nan balaku.

Kalimbago tantangan adaik,
syarak bahadih jo dalia,
dek dunia dapek akhiraik,
dek syarak santoso tumbuah.

Syariat pandang nan nyato,
hakikat lurahnyo dalam,
bahimpun adaik jo agamo,
sehat rohani lua jo dalam.

Simuncak mati tarambau,
kaladang mambao ladiang,
lukolah pao kaduonyo.
Adaik jo syarak di Minangkabau,
umpamo aua jo tabiang,
sanda manyanda kaduonyo.

Sajak adaik basandi syarak,
duo aturan lah tajalin,
dalam lauik indak barombak,
tagak dipadang indak barangin.

Dikutip dan bersumber dari : http://fiksi.kompasiana.com/puisi/2013/01/14/pantun-pituah-urang-minangkabau-519487.html